Ao axexo

A cortina un chisco levantada permítelle observar sen ser visto os inquilinos da casa veciña; cada un traballa nun cuarto diferente, mais fanse visitas cada media hora para acariciarse a cabeza, darénse un beixo, tomar un café ou compartir un cigarro. Ben se ve que son felices.
Cambiou os prismáticos por unha mira telescópica acoplada a un rifle de precisión o día que descubriu que son dous homes. Está certo de que nunca disparará, pero faille ilusión sentirse poderoso. ¡Se eles soubesen!